ما بين التحرير وروكسي ومصطفى محمود، فلول النظام ومحاكمات الكبار وبلطجية الشوارع، جمعة الغضب والرحيل ولم الشمل .. ما بين كل هذا يتأرجح بعضنا من قمة التفائل الى منتهى التشائم .. ولكن هل يمكن ان يكون لنا سلام وسط هذا كله؟
استمع لكلمات من الشعر الرائع التي صاغته أ/ ليديا شوكت للتعبير عن الحالة التي يمر بها معظم شباب اليوم
أخبار ..أنباء ...أحداث وكلامأخبار ..أنباء .. وفي كل مكان
أخبار ..أنباء ...سياسات أوهام
زلزال براكين وسيول فيضان
شائعات مجاعات والتعلب فات
وفوسط زحام الصمت أمان
لكن ده خلاص ده مالهوش مكان
هتكلم أيوه وهقول وهقول وهبدأ وأقول
ده بيبنى بيوت ويعلى حيطان وأهو لسه أهو خايف من المجهول؟
وأهو حط فلوسه فأغنى بنوك والشك ماليه وده مش معقول!
وأراضى وكوش بالكوم وهو حوش وياريت كده نافع هنقول ملأول:
أخبار ..أنباء ...أحداث وكلام
أخبار ..أنباء .. وفكل مكان
أخبار ..أنباء ...سياسات أوهام
زلزال براكين وسيول فيضان
شائعات مجاعات والتعلب فات
وفوسط زحام الصمت أمان
لكن ده خلاص ده مالهوش مكان
هتكلم أيوه وهقول وهقول ومن تانى وأقول :-
الراجل ده أتجوز تانى لأ تالت رابع وف حتت ورطه
والست دهى شقيانه وشايله وعيال بالأورطه
والعيل يبكى نايم وجعان وعلى وشه يدوبك شلة دبان
والشاب من دول راح حلمه وطار وهيعمل أيه؟ يندغ فى لبان
يندغ فى لبان؟ مش أحسن برضه من الأدمان
والناس فالساقيه تلف تدور ودى عجله و دايره وعليه الدور
ألى ما يفهمشى وألى ما بيشوفشى من الغربال يبقى أكيد محتاج للنور
خبر أهو عاجل من غير تأخير . يتقال فالحال وده ليه وليك
النور موجود موجود حواليك
وفى ناس أهى عايشه أوقات تعبانه لكن عايشها شاكره وفرحانه
ماهى عايشه فى نور وبتمشى فى نور وبتسلك نور وماليها النور
وبنوره أهو نور هو عليها وبنورها تنور للى حواليها وسلامه ماليها
وكلامها سلام وسلامها كلام وسلامه حاميها ما هو ساكن فيها
ومن تانى نقول ,لأ مش هنقول , نختم ونقول
ده كلام فيه سلام وسلام فى كلام وسلامه حاميها ماهو ساكن فيها
شعر واداء: ليديا شوكت
ليست هناك تعليقات:
إرسال تعليق
يسعدنا أن تشارك باضافاتك البناءة، وخبراتك لهذا المحتوى